كيكة نيدو بالتوفي عجيييييييييييييييبه

يايبه كيكه عجيبه و سهله و ان شاء الله تعجبكم
وللامانه منقول من موقع ثاني
يعني انا اكتب في جوجل حلويات نستله و الطش منه و اجرب في ريلي المسكين

ما اطول عليكم

مقادير الكيكه
ا كوب حليب نيدو بودره محمص ( بس ما تحرجونه مثلي )
1 كوب جوز الهند مطحون
نص كوب سكر ( 1/2 )
3 بيضات
ملعقة شاي بيكنج باودر
شوي فانيليه

مقادير التوفي
2 علبه قشطة نستله
نص كوب سكر

الطريقه

تخلطين البيض مع السكر و الفانيليه في خلاط الكيك و بعدين اطحطين باقي المقادير ( مقادير الكيكه )
اتصبين الخليط في قالب الكيك و دخليه الفرن 10 دقائق او اكثر شو لين ما يستوي بس انتبهوا لا يحترق لانه يستوي بسرعه

لما تطلع الكيكه من الفرن جهزي التوفي لين ما تبرد

التوفي
حطي القشطه و السكر على النار يفضل ان يكون الجدر تيفال عشان ما تلصق و تمي حركي لين ما يصير كثيف شوي مثل التوفي و يتغير لونه بس لا يحترق ( خبير حرايج المطابخ حضرتي )

لما يستوي التوفي صبيه فوق الكيكه و ساوي التوفي عدل بس بدون ضغط
حطيها في الثلاجه نص ساعه او ساعه لين تبرد و يجمد التوفي

قطعيها قطع صغيره يعني 2 سم ( حشه مسطره ) و حطيها في اوراق الكيت الصغيره مالت التقديم

و هني و عافيه

سوري ما حطيت صور